1. Mannschaft - NL Tuning 1
Mir hän uns an däm wichtige Mändig uf em Fiechte versammlet um s Cupspiel gege NL Tuning 1 z absolviere. Me het in d Garderobe gspührt das mir alli heiss sin uf dä Cup-Fight!
So sin mir au in das Spiel inegange. Mir hän ab dr erste Minute das Spiel im Griff kah und chöme in dr 15 Minute nacheme Freistoss zum 1:0. Das het d Tobias Grolimund für uns gschosse, nach dem d Goali vo NL Tuning d Ball nid het chöne suber kläre.
Nach dem guete Start isch s Spiel bizli abgflacht und es isch bis zu Pause gange wo d Luca Flück miteme schöne Ball in d Spitze d Dominic Frühauf bedient het. Somit simmer mitere 2:0 Führig in d Pause.
Mir kenne jedoch d Duell mit NL Tuning 1 sehr gut und mir wüsse das mir au die nägste 45min mien volli Energie uf e Platz bringe. Au in dr zweite Halbzyt hän d Manne in Schwarz und Gold d Match im Griff kah und chöme gege Ändi vom Spiel no zu zwei wittere Goal vom Pascal Hofer. Leider hän mir in d zweit letzte Minute no e Freistoss d Gegner miesse gwähre. Somit gwüne mir das Cup-Spiel 4:1 und chöne somit d Halbfinal Ihzug bejuble!
#höschmysli
